影片
更多
2020-10-17
134 瀏覽
之前經過見到好多人等位所以mark 低左生完仔黎試下😁好彩有book! 星期四都full 一坐低即刻整返個甲羅燒，大頭蝦同白鱔！甲羅燒！好耐無食蟹！個蟹膏真係不得了！佢唔係出便個d加左其他野既蟹膏！係真正既蟹膏！好香，又夠多！撈晒成碗飯都仲得！不得不提炒飯炒得幾好！粒粒分明！料又多！大頭蝦燒到好香，個蝦頭又多膏！蝦肉非常彈牙！白鱔我每次食串燒都會必點！e度做得好出色！皮脆，肉唔柴，廚師調味又恰到好處！唔會太喊！咬落去鱔既油脂好香！第一round 已經咁出色，忍唔住第2round叫左好多野食！牛舌，不乾而且夠厚，又唔Un！鵝肝，下便個麵包係烘過，甜甜地同鵝肝一齊食會無咁溜，不過不失，但佢舊鵝肝都算幾大舊！燒醉乳鴿🤣完全係抱住試既心態，因為我覺得唔會好入味，應該似普通既乳鴿。但係侍應姐姐一放低就聞到好香嘅酒味，咬落去乳鴿juicy而且有淡淡既酒香！同埋好鬼多肉又大隻！e個抵食！雞皮朋友食，我一般，但朋友就話好香脆！送啤酒一流！燒三文魚頭+魚鮫同燒倉魚，原本order左馬友但賣晒，老闆就介紹食倉魚。一放低，超大條！而且從來冇試過咁燒倉魚。兩碟魚既調味都非常好，加上燒到個皮脆卜卜，但同時保留到
好彩有book! 星期四都full
一坐低即刻整返個甲羅燒，大頭蝦同白鱔！
甲羅燒！好耐無食蟹！個蟹膏真係不得了！佢唔係出便個d加左其他野既蟹膏！係真正既蟹膏！好香，又夠多！撈晒成碗飯都仲得！不得不提炒飯炒得幾好！粒粒分明！料又多！
大頭蝦燒到好香，個蝦頭又多膏！蝦肉非常彈牙！
白鱔我每次食串燒都會必點！e度做得好出色！皮脆，肉唔柴，廚師調味又恰到好處！唔會太喊！咬落去鱔既油脂好香！
第一round 已經咁出色，忍唔住第2round叫左好多野食！
牛舌，不乾而且夠厚，又唔Un！
鵝肝，下便個麵包係烘過，甜甜地同鵝肝一齊食會無咁溜，不過不失，但佢舊鵝肝都算幾大舊！
燒醉乳鴿🤣完全係抱住試既心態，因為我覺得唔會好入味，應該似普通既乳鴿。但係侍應姐姐一放低就聞到好香嘅酒味，咬落去乳鴿juicy而且有淡淡既酒香！同埋好鬼多肉又大隻！e個抵食！
雞皮朋友食，我一般，但朋友就話好香脆！送啤酒一流！
燒三文魚頭+魚鮫同燒倉魚，原本order左馬友但賣晒，老闆就介紹食倉魚。一放低，超大條！而且從來冇試過咁燒倉魚。兩碟魚既調味都非常好，加上燒到個皮脆卜卜，但同時保留到水份！唔會乾！同埋好大碟！燒得好靚！我自己食左大半條！
燒雞泡魚乾，上枱嗰陣時熱辣辣，酥酥脆脆
再叫左魷魚乾同賴尿蝦乾，從來冇食過燒賴尿蝦乾，原來同燒魷魚乾一樣咁正，但佢比魷魚易咬而且好香濃蝦味。魷魚乾同賴尿蝦乾上枱嗰陣都係非常熱辣辣！送啤酒一流
最後忍唔住見到長腳蟹叫咗一條試下！長腳蟹大條多肉，燒完之後濃味過平時蒸既長腳蟹！
總括而言，今次係坐月放監後最滿足嘅一餐！串燒選擇非常多！而且食材好特別，好用心。就算串燒都會想盡辦法將食材發揮得最好！好有heart! 相信老闆一定係一個識食之人!
買單之後老闆話10月10號後會推出串燒放題！忍唔住即刻book咗16/10再去食!
張貼
