Ocio (東港城) (已結業)

今晚同朋友聚會時去左坑口站東港城嘅Ocio kitchen多國菜餐廳食晚飯，餐廳的款式上很有特色，有很多國家嘅美食可以比我地選擇，我地就揀左兩個晚餐，分別係脆皮德國咸豬手配酸椰菜蜜糖芥辣及炭燒10安士肉眼配薯條烤意大利青瓜。兩個晚餐都有磨菇湯及兩杯$33內的餐飲，餐湯以磨菇蓉煮成，味道香濃。首先介紹下德國咸豬手先，外觀已經好巨大嘅咸豬手，未放上枱已經聞到香味，豬皮非常脆口，用刀切落去，好似切緊燒肉豬皮咁，肉質爽口，味道唔會太咸，份量好多，兩個女仔可以share食，配菜當然唔少得開胃解油嘅酸椰菜啦，椰菜切成絲，好易入口，另外仲配有沙律菜及粗薯條，唔洗擔心淨係食肉咁Heavy。炭燒10安士肉眼配薯條烤意大利青瓜，我地order左7成熟，生熟度剛剛恰當好處，肉眼扒以炭燒烹調，肉汁味濃厚，肉質軟嫩，Size好大塊，配菜有意大利青瓜，口感爽口，另外亦配有薯條，包你一定食得飽。餵食嘅我仲再Order左波子汽水刨冰配雲呢嗱雪榚做甜品，外觀非常吸引，雪白嘅煉奶包著粉藍色的刨冰，充滿咗少女嘅味道，Size仲好巨人，可以情侶Share食，刨冰上雲呢嗱雪榚好香滑，簡直係心水推介！