影片
更多
2021-08-02
810 瀏覽
LEX 行嘅係藝術x美食路線，所以特別注重提升客人嘅用餐感覺，例如菜式設計、擺碟都有配合藝術感。但係就係正正係因為咁樣，所以反而一直被耽誤了🤣。我就係因為呢個原因，未試前覺得呢間餐廳應該價格不菲，以打卡做賣點但好睇未必好食個類。.咁啱要去堅尼地城，上網見到佢係同區都好似排第一，見有時間就姑且一試。去到餐廳裝修幾靚樓底好高，裝飾櫃擺咗好多色彩繽紛嘅精品做裝飾，牆身有好多色彩繽紛掛畫。客同樣多，餐廳一邊既2-4人檯，檯同檯之間都幾逼下。同埋覺得佢擺位方面有少少奇怪，有啲枱好逼有啲枱又好闊落唔太整齊，呢部份要扣啲分。.二人叫左：.火炙尼斯吞拿魚沙律 💲128⭐️3.8/5啱啱冇幾耐之前用差唔多嘅價錢食過一個好難食嘅雞胸沙律，仲唔開心緊。試呢一個感覺唔同晒，火炙吞拿魚份量雖然唔係好多，但係幾嫩口。其實沙律唔難整得好食，呢個滿意。.韓式泡菜意大利飯 配 辣醬五花肉 💲168⭐️4.2/5呢個韓式泡菜意大利飯，唔係啲咩驚喜貨，但係好啱胃口。一向韓國餐廳，我都鍾意食泡菜炒飯，基本上見到有我都會試。估唔到泡菜同意大利飯都一樣咁夾，少少辣再夾埋奶油嘅香，又OK! 豬腩肉留哂俾生酮中嘅食伴試，試咗少少，覺得上
.
咁啱要去堅尼地城，上網見到佢係同區都好似排第一，見有時間就姑且一試。去到餐廳裝修幾靚樓底好高，裝飾櫃擺咗好多色彩繽紛嘅精品做裝飾，牆身有好多色彩繽紛掛畫。客同樣多，餐廳一邊既2-4人檯，檯同檯之間都幾逼下。同埋覺得佢擺位方面有少少奇怪，有啲枱好逼有啲枱又好闊落唔太整齊，呢部份要扣啲分。
.
二人叫左：
.
火炙尼斯吞拿魚沙律 💲128
⭐️3.8/5
啱啱冇幾耐之前用差唔多嘅價錢食過一個好難食嘅雞胸沙律，仲唔開心緊。試呢一個感覺唔同晒，火炙吞拿魚份量雖然唔係好多，但係幾嫩口。其實沙律唔難整得好食，呢個滿意。
.
韓式泡菜意大利飯 配 辣醬五花肉 💲168
⭐️4.2/5
呢個韓式泡菜意大利飯，唔係啲咩驚喜貨，但係好啱胃口。一向韓國餐廳，我都鍾意食泡菜炒飯，基本上見到有我都會試。估唔到泡菜同意大利飯都一樣咁夾，少少辣再夾埋奶油嘅香，又OK! 豬腩肉留哂俾生酮中嘅食伴試，試咗少少，覺得上面醬汁幾香。
.
烤三文魚 配 蘆筍 龍蒿奶油醬 💲198
⭐️4.3/5
我覺得呢一間都可以歸去做生酮餐廳，因為佢呢個低碳烤三文魚主食做得好好，塊三文魚個皮焗得好香脆，又係幾啱胃口。雖然知道呢份餐唔屬於我嘅🤣，但忍唔住食咗好多。
.
藝術打印咖啡 💲88
⭐️3.8/5
呢杯咖啡唔平，因為客人可以自訂圖案/俾相佢哋打印上去凍咖啡或者朱古力上面。因為個奶泡係凍嘅，所以打印可以擺好耐好耐都唔會化，方便晒大家慢慢影。我本身係即興去食，當然唔會好似隔離兩台咁樣，準備定圖案俾佢哋印😄。餐廳準備左最傳統嘅梵高Starry Night 或者村上隆花花俾大家揀。雖然我好鍾意梵高，不過我覺得幅畫印咖啡上面有啲暗，所以揀咗色彩繽紛啲嘅🌼🌝🌸村上隆襯返個餐廳環境。淨係講杯咖啡我覺得比想像中好，個奶泡同平日飲到嘅有少少唔同，比一般厚身同帶甜。個印花果然係Long Last，我飲到見底嗰啲印花都無化開。
.
總結：或者我今日好彩，所有叫返嚟嘅餐點雖然唔係話好驚喜但係質素都令我好滿意。有擺盤味道唔錯，同類西餐計呢到價格都係合理水平之內。因為生酮中限制左部分點菜，例如佢名物 Tiramisu 無試到，可以encore系列。
.
藝術打印咖啡
$88
35 瀏覽
0 讚好
0 留言
火炙尼斯吞拿魚沙律
$128
15 瀏覽
0 讚好
0 留言
烤三文魚 配 蘆筍 龍蒿奶油醬
$198
12 瀏覽
0 讚好
0 留言
韓式泡菜意大利飯 配 辣醬五花肉
$168
11 瀏覽
0 讚好
0 留言
藝術打印咖啡
$88
21 瀏覽
0 讚好
0 留言
張貼
