祥香茶餐廳 (已結業)

香港情懷！朋友帶我嚟呢間茶餐廳食特餐，貪佢平日唔使等位。門面完完全全就係八、九十年代茶餐廳嘅裝修，玻璃櫃擺上新鮮出爐嘅麵包、蛋撻。我哋行上一層樓梯，坐得舒服啲。特餐- 我揀咗沙嗲牛肉米粉、煎雙蛋、牛油餐包、熱檸水。同一般茶餐廳上菜速度一樣，快！沙嗲牛肉個醬汁偏杰同鹹，冇乜沙嗲味，牛肉片都好淋、冇咗咬口。個人比較鍾意食牛油餐包夾荷包蛋多啲。喺呢個舊事物慢慢被時代淘汰嘅城市裏面，要好好珍惜呢份香港情懷特餐。