爆汗串串 (已結業)

今日約了2位同事食飯，估唔到佢哋竟然約咗去食旺角新開嘅一間四川成都菜，爆汗串串。今次真係爆汗串串，我好鍾意食辣，但一食辣野就流到成身汗。但又真係辣得好過癮。 呢種成都風味嘅串燒，係真麻辣湯食嘅，啲竹籤好長，店員話係成都送來的，個麻辣湯底味道好激，同我10年前喺四川食嘅麻辣湯底有幾分相似！不過麻辣牛肉串認真好食！我哋叫咗10款麻辣，五串蔬菜唔辣。小食方面，我哋叫咗一個清湯水餃、棒棒雞及香辣鳳爪。叫咗一碗爆汗牛肉麵同酸菜豬肚闊薯粉，個闊薯粉真係好過癮，質感唔係一般米線舖食到個鐘，爆汗牛肉又再一次為我爆汗！食完真係好辣，店員介紹我哋食一款四川甜品來解辣，成都老冰粉，冰涼微甜香滑！正！ 四個人埋單都係$500，真係有飽肚抵食又好味！