恆發雞蛋仔 (已結業)

之前為食豬食過呢度嘅芋泥雞蛋仔，印象都幾深刻，因為啲芋泥多到誇張。呢日去到觀塘，為食豬又心思思想食，最後揀咗紫薯雞蛋仔。望住店員整嘅時候好用力咁將紫薯蓉搽滿成底雞蛋仔。新鮮整起拎到上手熱辣辣，感覺到底雞蛋仔好墜手，用料十足。食落紫薯蓉好綿密，雞蛋仔脆身但可惜太薄，為食豬即刻覺得太多紫薯蓉都未必係好事。食到最尾仲有少少辛苦，因為實在太飽肚喇，紫薯蓉仲有少少過甜，變得好膩。難怪見啲街坊多數都係買原味啦。