影片
更多
2022-12-28
497 瀏覽
既然稻香集團既客服覺得我公開出黎無所謂，咁不如大家聽下間野有幾垃圾，無服務，無質素，無衛生。我之前book枱既時候因為人數未定，所以無特別講明話要房，亦到諗住如果坐出面大枱都會有侍應照顧下，最後我地係9人叫左佢1席3688既套餐。問題1。d碗碗碟碟係勁污糟，問佢要幾隻杯飲自備既酒，d杯係起哂積，我屋企人係自己用滾水逐隻碗同杯洗乾淨。問題2。起菜速度勁快，成張圓枱都有3大盤餸，佢地都仲不停上菜，差不多上左一半，我叫侍應唔該出慢d, 佢地先識慢少少，搞到後面d餸都凍左。廚房係咪太得閒趕收工呢，上咁快，有無考慮個客人食唔食得切？問題3。睇圖，我屋企人夾到條爛菜，咁既菜心都可以擺上枱，廚房盲的嗎？最後係收走呢盤12人既菜，換碟例牌咕嚕肉。問題4。第一道餸食龍蝦伊麵，差不多食完，佢唔係搵人黎換碟囉，佢擺低2個紙兜，叫我d屋企人倒d蝦殼落去，仲要倒完等左好耐都無人收走，係個上菜女人見到無位上佢d出得咁急既餸，先識收走個兜殼。問題5。食到差不多完結，我媽唔係太舒服，我想快d打包最後個碟糯米飯，快d上蛋糕，我叫個侍應幫手包走，但佢地掉低幾個膠兜就走左去，我叫極都無人幫手做，個刻我媽已嘔緊了，我地大部份
我之前book枱既時候因為人數未定，所以無特別講明話要房，亦到諗住如果坐出面大枱都會有侍應照顧下，最後我地係9人叫左佢1席3688既套餐。
問題1。
d碗碗碟碟係勁污糟，問佢要幾隻杯飲自備既酒，d杯係起哂積，我屋企人係自己用滾水逐隻碗同杯洗乾淨。
問題2。
起菜速度勁快，成張圓枱都有3大盤餸，佢地都仲不停上菜，差不多上左一半，我叫侍應唔該出慢d, 佢地先識慢少少，搞到後面d餸都凍左。
廚房係咪太得閒趕收工呢，上咁快，有無考慮個客人食唔食得切？
問題3。
睇圖，我屋企人夾到條爛菜，咁既菜心都可以擺上枱，廚房盲的嗎？
最後係收走呢盤12人既菜，換碟例牌咕嚕肉。
問題4。
第一道餸食龍蝦伊麵，差不多食完，佢唔係搵人黎換碟囉，佢擺低2個紙兜，叫我d屋企人倒d蝦殼落去，仲要倒完等左好耐都無人收走，係個上菜女人見到無位上佢d出得咁急既餸，先識收走個兜殼。
問題5。
食到差不多完結，我媽唔係太舒服，我想快d打包最後個碟糯米飯，快d上蛋糕，我叫個侍應幫手包走，但佢地掉低幾個膠兜就走左去，我叫極都無人幫手做，個刻我媽已嘔緊了，我地大部份人都睇住老人家先，實在無心情做打包個工作，但竟然無人幫手，最後我大伯快快手自己包好，叫人快d上蛋糕。
問題6。
我問個侍應嘜而家稻香咁自助呀？飲茶食點心要自助我理解呀，連晚餐都要自助服務？
個侍應先講，有房會好少少，可能會有人照顧下。
我問佢包房幾錢，佢話3000得啦。
但我為酒席係3688，房又無，服務又無，個刻我真係著哂火。
問題1至4，我都可以忍佢，我哥都有少少不滿，都係笑笑叫佢地做好d。
去到問題5同6，我實在忍唔到了，我即刻著哂火叫個經理出黎，無房都算了，唔識搵個人企隔離照顧下個客人嗎？
最後嘈到佢減左500，多謝哂。
但我一家人難得齊人既聚餐，已經俾呢d垃圾酒樓搞到無哂心情。
稻香團團客戶服務部，你地d酒樓真係垃圾都不如，不如我俾返500蚊你，你同你全家人去享受下呢餐咁既食物，衛生同服務質素。
4 瀏覽
0 讚好
0 留言
張貼
