泰坊 (已結業)

以前打電話叫外賣，覺得間餐廳服務都幾好，加上d野食都唔錯，對依間泰式餐廳噶印象都幾好，今日同同事再幫襯，諗住walk in外賣唔阻人哋地方，點知就賴曬野，walk in外賣個速度其慢無比，平均一張單外賣自取單做成十幾分鐘，由12:55分等，等到13:25先攞到個餐，中途催左2次，都係叫你係外面等，仲話：得一個人包外賣，做唔切啊！等待途中（around 過左15分鐘）見到其他同事walk in堂食，唔使等，有位坐，仲要好快就有得食！！！ 好離譜！！！唔係跟單跟順序去做噶咩？點解堂食你就快，walk in外賣就咁慢啊！！！係咪收左錢你就唔使理啊！？ 做唔切外賣就唔好簁我哋時間啦！搵多一個幫手包外賣好難咩？得嗰一個鐘頭食飯，等個飯都成半個鐘，真係多謝你間餐廳啊！！！搞到我哋滾水漉腳，拿個外賣沖翻去office食飯，連少少休息噶時間都沒埋！！！未食飯都激到飽左啦！！多謝你比我哋咁“好”噶體驗啊！！未使旨意我哋再幫襯你啊！