歐陸冰室

營業中

休息中

星期日中午同亞媽食lunch, 我哋叫左午市套餐，有餐湯，包，主食，飲品。飲品方面叫左特濃熱谷咕，當時侍應冇特別提點係要額外加錢。雖然唔係多，只係加3蚊，但擺明係搵笨。餐牌冇講飲特濃谷咕要加錢，只係寫左凍飲加3蚊，而且落單時又冇人講過，到左俾張單你個人刻先知中伏！到左主食上枱，我食左一舊薯角，然後發現隻碟有隻細昆蟲，馬上通知侍應。佢即刻拎返碟野入廚房，然後唔洗一分鐘再拎返碟野俾我。好明顯佢只係換咗隻碟，裡面既食物完全冇換過！好明顯呢間餐廳處理食物衛生方面係好有問題！呢間餐廳之前已經俾人投訴過佢既外賣呃錢啦，而家又故態復萌，影衰曬香港既飲食業。