Wheatfield X 羅宋湯專門店 (青衣城) (已結業)

好耐都冇去過青衣城，今次經過嘅時候見到間好型格嘅餐廳，主打食羅宋湯，價錢亦都適中，所以就揀咗呢間嚟試一試！主打套餐都係以羅宋湯為主，另外有得揀湯麵、撈麵、或者係餐包、豬扒包等等，適合細食女仔揀少啲澱粉質，或者係男士食多d分量！因為唔算太餓嘅關係，我就揀咗經典羅宋湯套餐，佢無配麵，主要係羅宋湯同埋包，另外再配左個薯仔沙律，朋友就揀咗個自選湯麵，佢嘅羅宋湯湯底比較濃稠，而且配料好多，有好多菜同紅蘿蔔，不過湯底本身係辣嘅，辣度非常輕微，唔係好食得出！配餸方面可以揀牛腩或者豬脾肉，非常大塊，足足差唔多有個碗咁大！另外加咗個麻辣雞絲小食，非常有驚喜！辣得好惹味，食到停唔到口！