十三少 (已結業)

天氣凍最岩食熱辣辣嘅酸菜魚暖身，可能因為天氣轉涼，今日嘅十三少接到好多外賣單一單接一單，忙過唔停！又餓又凍嘅我地點左一個二人餐 - 倫爾放縱一次都唔係好過分姐😆 雖然最後都係食唔哂要打包。✨蒜茸拍青瓜：青瓜原來好有益嫁！例如青瓜嘅纖維能夠減少膽固醇形成，維持心血管健康。除此之外，仲會舒緩皮膚過敏問題同防癌。✨麻婆豆腐：又香辣又惹味最岩用黎撈飯食，份量多到食唔哂要打包！(因為要留肚食主角酸菜魚😆）✨招牌酸菜魚(少辣)：唔食得辣嘅你可揀少辣或唔辣。湯底用鮮魚去煮飲落好鮮甜，飲完一啖又一啖完全停唔到口！酸菜魚嘅湯底夠酸，亦加左薑去辟魚嘅腥味。魚肉絕對係佢嘅主角：口感超嫩滑而且冇骨，配料方面亦十分豐富，有炸過嘅好香口嘅雞髀菇、萵筍、白蘿蔔仲有酸菜等。食完個胃好暖好飽好滿足。