影片
更多
2019-08-29
116 瀏覽
自從公司搬左去新蒲崗之後，間中都會過來九龍城搵食。對上一次嚟去左食泰菜，今次有人話想食番啲傳統粵菜。記得南角道有間叫「城寨風味」嘅中菜館，餐廳匯集了各式中式料理，包括江南各地名菜與小吃，另外亦有粵菜同川菜等供應，應該啱老公口味。原來店舖最近搬左去賈炳達道九龍城廣場一樓，幸好來之前上網睇過餐廳資料，否則就會摸門釘。新店地方頗大，環境寬敞闊落，裝潢採清初江南古店風貌設計，襯托店內的仿清明上河圖、詩詞牌匾、掛牆的竹簡等，盡顯古典氣息。餐簿大大本，非常厚身，菜式選擇很豐富，除了散點外，亦有特色私房菜供應。由於只得兩個人，胃納有限，所以這晚就只係選了三個小菜，配白飯吃。即燒脆皮香豬 (1/4隻) ($198)，脆皮乳豬係餐廳嘅招牌菜，一場嚟到，當然唔可以錯過。乳豬即叫即燒，皮薄而鬆脆，咬下充滿油香，而且師傅在上檯前已事先片去黏著乳豬皮的肥膏，所以食落完全不覺油膩，沾少許砂糖同乳豬醬吃，好食到停唔到口。至於下面的乳豬肉，質地亦夠曬嫩滑，的確名不虛傳，絕對值得推薦！秘製紅燒乳鴿 ($68)，隻乳鴿件頭相當大，外形甚得睇，上桌時已一分為二。挾起乳鴿一看，外皮色澤均勻、帶有油光，未食已經聞到陣陣肉香。撕
原來店舖最近搬左去賈炳達道九龍城廣場一樓，幸好來之前上網睇過餐廳資料，否則就會摸門釘。新店地方頗大，環境寬敞闊落，裝潢採清初江南古店風貌設計，襯托店內的仿清明上河圖、詩詞牌匾、掛牆的竹簡等，盡顯古典氣息。
餐簿大大本，非常厚身，菜式選擇很豐富，除了散點外，亦有特色私房菜供應。由於只得兩個人，胃納有限，所以這晚就只係選了三個小菜，配白飯吃。
即燒脆皮香豬 (1/4隻) ($198)，脆皮乳豬係餐廳嘅招牌菜，一場嚟到，當然唔可以錯過。乳豬即叫即燒，皮薄而鬆脆，咬下充滿油香，而且師傅在上檯前已事先片去黏著乳豬皮的肥膏，所以食落完全不覺油膩，沾少許砂糖同乳豬醬吃，好食到停唔到口。至於下面的乳豬肉，質地亦夠曬嫩滑，的確名不虛傳，絕對值得推薦！
秘製紅燒乳鴿 ($68)，隻乳鴿件頭相當大，外形甚得睇，上桌時已一分為二。挾起乳鴿一看，外皮色澤均勻、帶有油光，未食已經聞到陣陣肉香。撕開外皮，入口勁香脆，肉香四溢，而且一點也不油膩，鴿肉嫩滑，肉汁豐盛，加上醃得夠曬入味，肉也不少，味道超棒。
啫啫芥蘭煲 ($108) 成品以小瓦煲上菜，除了芥蘭外，內有肉碎、咸魚粒同蝦乾；芥蘭色澤翠綠，入口鮮嫩，保持菜的水份，夠鑊氣又惹味，滋味非常。
聽服務員講，餐廳除了有私房菜供應外，更可以為客人度身訂造菜式，如果想同一大班朋友搵個地方食特色風味菜，這裡應該是個不錯的選擇。
張貼
