城寨煲皇

聽朋友講尖沙咀城寨煲皇有好足料嘅雞煲，而其他邊爐食材都好新鮮，令到我都心郁郁想試吓😝所以今晚就約埋好朋友們，一齊試吓係咪真係咁正先❤️🌼城寨花膠鮑魚雞煲(半隻)🌼第一次見雞煲入面有咁多塊花膠同鮑魚仔，太amazing 了🫢雞煲汁好濃味，當花膠同鮑魚沾上雞煲汁後，絕對係人間美味❤️半隻雞煲嘅雞件都幾多，唔會好鞋，食到咁上下就落高湯準備打邊爐🤩今次食咗：❤️花刁醉蝦-已用竹簽串起，淥嘅時候就更方便，唔洗驚搵唔到隻蝦搞到煮到過哂濃❤️白鱔片-砌到一朵花🪷好靚，鱔片無骨啖啖肉，亦都無魚腥味❤️城寨封門柳-手切封門柳有咬勁，每一啖都食到封門柳本身嘅牛鮮味，加上唔係成塊都係肥肉，我鍾意🤩❤️鹽燒鮑魚加海膽-估唔到鮑魚加海膽都幾夾，兩樣海產嘅鮮味好融洽