影片
更多
2018-05-02
152 瀏覽
今晚落區去左荃灣加班，要等法團同班業主8點半齊人先可以開波開會，一丁友要等成2鐘要搵個食完野又可以hea坐既地方確係唔容易。唔想食完個快飯一個人坐係公園等開會，實在有點悲淒，即刻電問住係呢區既好友得唔得閒食個便飯，但被拒絕了，佢話同男友早排幫襯過呢間café，坐得輕鬆又自在野食又幾好味，我見同果幢大廈只係隔一兩條街距離，食完hea陣再行番過去開會都仲有時間淨，就此一個人成行。7點前黎剛好到晚飯時段，已坐滿约8、9成客人，見到仲有兩張枱，就揀左其中一張坐。店面環境幾舒適寫意，兩枱之間有適當距離，交談唔細心/刻意去聽係聽唔到隔離枱傾咩。餐枱旁邊有兩排木書架，架上有很多書籍，成日店都洋溢住文青既書卷氣息。惠顧既食客可以自行係書架免費取閱小說睇，感覺彷似去左mini書城。打開餐牌，原來有介紹話可以將屋企唔要既書送比café店(無缺頁/不屬回收類書籍)，店方會以咖啡劵作交換，雙雙受惠，好具公益又環保既意念。話說曾幾何時既我都幾愛不釋卷有d仙氣，成日睇書架(係愛情小說，唔係睇金庸字典咁厚既武俠小說)，屋企仲有成百幾本，一直放係度已無再打開黎睇既小說，睇黎係時候可以換下咖啡劵。而係度食野既顧客可以用
唔想食完個快飯一個人坐係公園等開會，實在有點悲淒，即刻電問住係呢區既好友得唔得閒食個便飯，但被拒絕了，佢話同男友早排幫襯過呢間café，坐得輕鬆又自在野食又幾好味，我見同果幢大廈只係隔一兩條街距離，食完hea陣再行番過去開會都仲有時間淨，就此一個人成行。
7點前黎剛好到晚飯時段，已坐滿约8、9成客人，見到仲有兩張枱，就揀左其中一張坐。店面環境幾舒適寫意，兩枱之間有適當距離，交談唔細心/刻意去聽係聽唔到隔離枱傾咩。
餐枱旁邊有兩排木書架，架上有很多書籍，成日店都洋溢住文青既書卷氣息。惠顧既食客可以自行係書架免費取閱小說睇，感覺彷似去左mini書城。
打開餐牌，原來有介紹話可以將屋企唔要既書送比café店(無缺頁/不屬回收類書籍)，店方會以咖啡劵作交換，雙雙受惠，好具公益又環保既意念。話說曾幾何時既我都幾愛不釋卷有d仙氣，成日睇書架(係愛情小說，唔係睇金庸字典咁厚既武俠小說)，屋企仲有成百幾本，一直放係度已無再打開黎睇既小說，睇黎係時候可以換下咖啡劵。而係度食野既顧客可以用5蚊買一本書，據為已有，呢個價仲抵過食漫畫店租小說。
餐牌有很多野食選擇，揀左卡邦尼長通粉、密糖雞翼再加凍摩卡咖啡。
密糖雞翼
11 瀏覽
0 讚好
0 留言
卡邦尼長通粉
2 瀏覽
0 讚好
0 留言
18 瀏覽
0 讚好
0 留言
食完個餐都係40分鐘內既事，食完坐係度hea下捺下手機睇左陣書，店員施加都無壓迫感要食客食完就埋單閃人，坐得好輕鬆自在，揀左本書望下，順手點多個藍莓芝士蛋糕坐多陣邊睇邊食。
藍莓芝士蛋糕($35)：藍莓芝士量夠實在，質感相對幼滑，芝士味突出，啖啖芝士味幾濃但唔漏，上面既藍莓jam酸甜適度, 只吃到微微藍莓味卻沒莓既酸味
呢度食野好輕鬆完全無壓迫感，他他條條咁食完hea到差唔多鐘先埋計去開工，完全唔會感受到一絲食完野就侍龐走埋黎掃枱面執野趕客走既無形壓力，實在係個悠然自得既綠洲，食物好味道且價錢亦唔貴，值得encore，下次會同朋友黎以書易啡，黎個悠閒西餐聚。
張貼
