爽爽麵店 (已搬遷) 新店位置

趁今日入元朗，特登走去附近傳說中嘅神級醉雞麺小店試吓。味道果然係神級之作 ！！酒香特濃，鹹香俱備。但鹹得滯，食完非常非常非常極之口喝！！除此之外，間嘢除咗筷子同匙羹之外，堂食一律使用即棄食物盒再加埋蓋，食物上枱時嘅震撼，令我呆一呆。我只係食醉雞撈粗加雞腳，結果。。。製造咗一個盒、兩個兜、三個蓋嘅大龍鳳。。。為咗減低內疚感，唯有洗返乾淨，再攞過去回收。幾好味都好，絕對不該只顧搵錢而漠視社會責任！幾好味都好，唔會再幫襯多一次。地球你真係慘！完。