嵐川日本串燒 (已結業)

係西環附近雖然有好多間食串燒，但個人比較中意去嵐川，雖然位置偏僻，但食物好就得啦！因為佢地所有串燒係由生燒到熟，唔係一早整熟或半熟再燒，所以好考師傅功力同睇啲設備掂唔掂。今次食既唔只串燒亦有叫其他野食，稻庭冷麵：幾好食！墨魚餅：個人唔太喜愛。青螺（又名翡翠螺）：必食，啲燒汁好濃味。鱔：個人唔太喜愛。大蔥黑豚肉：個人唔太喜愛。鵝肝：外硊內軟口感好特別，必食。雞軟骨棒：必食。蝦：一般。鮑魚仔：必食。芝士雞翼：好味。帶子：必食。大墨魚：幾特別，因為出面未食過。茄子：ＯＫ！青椒仔：ＯＫ！冬菇：ＯＫ！雞泡魚乾：幾好食。蠔：ＯＫ！粟米：好食。同埋師傅有兩個，一個後生仔一個年紀大啲，個人覺得後生仔燒出黎既水準好好多，同埋佢比較會同客人溝通，咁至可以燒到客人既要求，咁樣好味＆啱食既指數都會高好多。到食甜品時佢仲玩野，整左個燒雪米糍過我地食添，雖然賣相麻麻，但夠晒創意。整餐水準合格，但價錢就較為貴少少，服務生同串燒師傅反應幾快，只係地方細左啲，飯市時間人多時比較迫，建議夜晚十點後去，坐得舒服啲。