影片
更多
2019-07-08
59 瀏覽
麻辣火鍋引又發作，今日同男朋友去左呢間新開既重慶火鍋店，店舖主打既係麻辣火鍋料係重慶直送，而且唔落味精同添加劑，重視客人既健康之餘仲要用上真材實料！可能今日遇上遊行關係，所以人流唔算太多，一推門入已經聞到陣陣芳香樸鼻既麻辣味，但因為我唔食得太辣關係，所以叫左個鴛鴦鍋底，正宗洪崖洞麻辣火鍋 + 養顏木耳雞湯，麻辣火鍋叫咗(中辣)，味道尚可接受，我都可以食到，而且麻麻辣辣都幾惹味，幾中意。養顏木耳雞湯除左有1/4隻雞入湯底之外就仲有木耳同大量白果，湯品入口感覺好清醇，雞湯似有用左一段時間去煲煮過，味道我覺得都幾好! 而雞我地因為係較早時間就將佢攞起，所以肉感唔係好hi，唔錯唔錯!呢度都有個醬料區，除左平時有既芫荽，蒜容，蔥花，辣椒等等，仲有少見既四川花椒油同老干媽醬，花椒油食落有種小小麻口感覺，口感幾得意而且仲幾香，等我得閒都返大陸買返枝返屋企先火鍋點既野食同平時差不多，見到格離幾枱都有點海鮮併盤，但怕食唔晒最後冇點，叫左一個盛肉併盤A，牛肉有2款，另外仲有黑毛豬肉 & 羊肉片，羊肉片入口唔會感覺到有騷味，呢個有點驚喜~ 口感比牛肉滑身，而併盤上所提供既2款牛肉當中，牛小排脂肪比例較多，
可能今日遇上遊行關係，所以人流唔算太多，一推門入已經聞到陣陣芳香樸鼻既麻辣味，但因為我唔食得太辣關係，所以叫左個鴛鴦鍋底，正宗洪崖洞麻辣火鍋 + 養顏木耳雞湯，麻辣火鍋叫咗(中辣)，味道尚可接受，我都可以食到，而且麻麻辣辣都幾惹味，幾中意。
養顏木耳雞湯除左有1/4隻雞入湯底之外就仲有木耳同大量白果，湯品入口感覺好清醇，雞湯似有用左一段時間去煲煮過，味道我覺得都幾好! 而雞我地因為係較早時間就將佢攞起，所以肉感唔係好hi，唔錯唔錯!
呢度都有個醬料區，除左平時有既芫荽，蒜容，蔥花，辣椒等等，仲有少見既四川花椒油同老干媽醬，花椒油食落有種小小麻口感覺，口感幾得意而且仲幾香，等我得閒都返大陸買返枝返屋企先
火鍋點既野食同平時差不多，見到格離幾枱都有點海鮮併盤，但怕食唔晒最後冇點，叫左一個盛肉併盤A，牛肉有2款，另外仲有黑毛豬肉 & 羊肉片，羊肉片入口唔會感覺到有騷味，呢個有點驚喜~ 口感比牛肉滑身，而併盤上所提供既2款牛肉當中，牛小排脂肪比例較多，但食落未至於係好肥膩感覺，兩款我比較中意食牛板腱，呢個感覺比較重牛香味，而且口感最合我手意。如果打邊爐用上麻辣火鍋果面，個人就覺得味道已經好夠唔使再沾醬食都已經好正! 而菜，芽菜等等我就比較中意放係比較清d既雞湯上，食到食材本身味道之餘仲可以有陣雞湯味
餐廳每枱都會送上鴨血小點，芽菜肥美脆身，口感好新鮮! 好中意佢呢度既鴨血，味道真係好有去左台灣食鴨升果種感覺
五色火鍋小籠包 因為冇寫係咩口味，憑我自己同男朋友食落就食得出佢地係黑松露，南瓜，蟹粉，芝士 & 原味，第一次食火鍋係會放小籠包落去，4分鐘既時間就食得，咬落去入面仲會有肉汁溢出嫁!! 我自己食左4個口味，最中意係佢地既蟹粉味同黑松露味! 估唔到蟹粉味都幾香濃，有驚喜既味道~ 而黑松露口味都食得出嫁!! 呢2個都係我最中意既野食之一，估唔到打邊爐都可以食到
響鈴(半份) 新鮮自家製既響鈴，宜家好多店都會自己整，大家都有自己既風格，呢度大大條而且口感好實在，不過個人就比較中意食細條d，因為可以一口食落肚最後當然要叫返個菜喇! 油麥菜半份都幾多，而且都幾新鮮同脆口，不過就真係建議大家唔用放落麻辣湯中，因為菜吸收左d湯同油令到份口幾辣。
同男朋友兩個都食到幾飽肚， 新店開張，8:30前離座 / 9:00後入座仲有七折優惠，所以好抵食!!! 不過唔知優惠做到幾時，最好大家去前打電話去問一問啊~
題外話/補充資料：
新店開張，8:30前離座 / 9:00後入座仲有七折優惠，所以好抵食!!! 不過唔知優惠做到幾時，最好大家去前打電話去問一問啊~
(以上食評乃用戶個人意見 , 並不代表OpenRice之觀點。)
張貼
