影片
更多
2022-05-21
807 瀏覽
呢餐係壽星🦊嘅生日飯😋 因為都知係好多人讚好食嘅燒肉omakase 所以🐰係早一個月嘅時候做booking嘅 服務好坐得舒服店員講解清晰呢啲就不在話下啦😋 呢個食皮主要係詳細講食物嘅感受嘅😋✨我哋係叫咗「松MATSU」嗰個餐 $650@1 因為壽星🦊唔食海膽🥲 所以就慳返啲錢叫個無海膽 château briand 嘅餐再encore 多次自己覺得最鍾意嘅肉品（最後叫咗1）😋1️⃣Yakisashi ⏺和牛嘅三角筋位置，加埋清湯醋一齊食⏺薄切、油花好靚好平均 🦊👍🏻 肉質特別滑和鬆軟，入口會有一種溶化的感覺！重點係和牛同個汁超級夾👍🏻有浸清湯味，非常開胃嘅感覺。 9.2/10🐰👍🏻 大推呢塊肉！！我哋兩個都一致認同呢塊肉係成個set入面最好食嘅肉件 一入口超香！！濃濃嘅炭香、油香味湧上嚟 你可以想像係用木炭燒到啱啱好嗰種燒肉味🤤 呢塊肉本身有啲鹽味 中間有少少筋2️⃣Maru Shin⏺呢度笑死🤣負責燒比壽星🦊嘅🐰以為係兩邊各燒20秒就食得 原來係要再重複一次 即係20秒x4次🤣🤣結果🦊嗰塊都幾生下 影響咗佢對呢塊肉嘅感覺🤣（🐰晒咗一舊水嗰度應該🥲）🦊👍🏻 肉質較厚實，油脂較少，適合喜歡有咬口
✨我哋係叫咗「松MATSU」嗰個餐 $650@1 因為壽星🦊唔食海膽🥲 所以就慳返啲錢叫個無海膽 château briand 嘅餐再encore 多次自己覺得最鍾意嘅肉品（最後叫咗1）😋
1️⃣Yakisashi
⏺和牛嘅三角筋位置，加埋清湯醋一齊食
⏺薄切、油花好靚好平均
🦊👍🏻 肉質特別滑和鬆軟，入口會有一種溶化的感覺！重點係和牛同個汁超級夾👍🏻有浸清湯味，非常開胃嘅感覺。 9.2/10
🐰👍🏻 大推呢塊肉！！我哋兩個都一致認同呢塊肉係成個set入面最好食嘅肉件 一入口超香！！濃濃嘅炭香、油香味湧上嚟 你可以想像係用木炭燒到啱啱好嗰種燒肉味🤤 呢塊肉本身有啲鹽味 中間有少少筋
2️⃣Maru Shin
⏺呢度笑死🤣負責燒比壽星🦊嘅🐰以為係兩邊各燒20秒就食得 原來係要再重複一次 即係20秒x4次🤣🤣結果🦊嗰塊都幾生下 影響咗佢對呢塊肉嘅感覺🤣（🐰晒咗一舊水嗰度應該🥲）
🦊👍🏻 肉質較厚實，油脂較少，適合喜歡有咬口嘅朋友，加埋鹽有一種食牛排嘅感覺。 6.2/10
🐰👍🏻 同上一塊唔同 呢塊比較厚身 好似食緊肉眼扒啖啖肉嘅感覺😋（我嗰塊熟啲所以係正常食評哈哈哈）
3️⃣Misuji with Tare
⏺店員話係前臂嘅拜拜肉🤣（類似牛板腱）
⏺Tare即係醬汁咁解，代表舊肉有醃過
🦊👍🏻 有啲筋膜，令到口感更富有層次感。好滑同埋好有口感，有肉幾筋，有得咬下。 8.5/10
🐰👍🏻 一入口：好滑！同1係好明顯唔同味，有胡椒味咁，但係可惜舊肉有筋🐰唔鍾意比咗🦊食🤣
4️⃣Tougarashi with Tare
⏺手肘位
⏺醃過
🦊👍🏻 肉味好濃郁而且入口即溶。 7.4/10
🐰👍🏻有啲木、竹嘅味道？呢舊再甜啲！唔知點解🐰食完覺得有少少奶味回甘？
5️⃣Kurisannkaku
⏺燒3-5秒後會浸落清香鰹魚湯😋
⏺膊頭肉
🦊👍🏻 將肉放在鰹魚湯內減少了肉質上嘅油脂，而且肉件沾滿鰹魚嘅鮮甜味，這個組合很完美。 8.6/10
🐰👍🏻 好特別嘅食法！🐰表示有湯飲好正！！鰹魚清湯好香，但啲油會浮起晒hehe
6️⃣Misuji Briand
⏺同2一樣都係全場唯二真·厚切
⏺配Wasabi+鹽
🦊👍🏻 肉質比較厚實，油脂和牛肉的比例也很均勻，加上佢配搭咗上等嘅芥末，可以剔除呢個部位本身嘅腥味，令到味道拿捏一個很好的平衡，不錯。 6.5/10
🐰👍🏻 店員見我哋食得太耐幫我哋燒好🤣所以食呢舊嘅時候🐰仲喺度食緊5 但7又已經到咗 所以快吞轟咗呢舊🤣呢舊同2有啲唔同 肉味重啲 但肉質同2差唔多 2再淋啲🤔
7️⃣Kimura Yaki
⏺同塊面差唔多大嘅木村西冷牛🤧
🦊👍🏻 因為係薄切所以好入口即融，無諗過西冷可以咁嫩口！白飯上撈埋生蛋黃，為整個「阿媽家姐」畫上完美嘅句號。9.5/10
🐰👍🏻 呢個飯神級好食……生蛋黃飯本身已經好濃郁！加埋塊燒好嘅西冷啲牛油，個口感好綢密好滑🤧但啲飯粒又好分明，仲要塊肉鋪咗上去所以啲飯都有微燒肉味🤧食食吓有啲條脷有啲tingling嘅感覺，原來有啲唐辛子😮本身以為呢個餐得幾塊肉食唔夠飽 原來食埋呢個即刻好飽🤣
💬最後仲有個焙茶味雪糕做甜品🤤🫶🏻🐰打去book位嘅時候店員都有問洗唔洗寫唱生日歌同寫名🤣我話唔洗唱啦寫名就ok😂而上甜品嘅時候店員都好醒🤤見我哋食完已經主動叫廚房整，唔洗我出聲🤤👍🏻臨走嘅時候店員仲會親自送你出店外，真係要特別讚吓呢間鋪啲員工🤤又好食用餐體驗又咁好得唔得㗎！！
結論：雖然係貴，但絕對值得食嘅一餐！
肉品排名🚩
🦊7>1>5>3>4>6>2
🐰7>1>4>2=6>5>3
💸 $1550/2人
張貼
