大紅袍火鍋料理 (已結業)

同朋友已食過好多次大紅袍，一向覺得唔差，今晚去食，叫咗木瓜雞腳湯底、安格斯牛、蝦丸、松露蟹肉餃、牛脷粒、蠔、響聆、魚皮、墨魚滑、西洋菜、西班牙豬、三文魚刺身等等。。。其實食過咁多次，對味道基本上也不用懷疑，亦唔會期望有咩驚喜，但席間朋友話食得出墨魚滑變酸，我試咗一粒，放入口咬咗一啖都食到酸味，即吐出嚟，然後通知店員。。。有位着便服嘅店員走埋嚟，冇即刻取消墨魚滑，叫我哋俾一粒佢試，試完嘅回應係「唔係酸，係你哋食唔慣哩d味，我哋今日賣咗二十幾個都冇事！」隨即攞走碟墨魚滑，叫我哋換過第二樣嘢，我就話，碟墨魚滑有問題，係要取消唔係換，便服店員至話幫我哋取消！店員唔承認碟墨魚滑有問題，我同友人喺席間繼續討論，都唔知咩叫「食唔慣」，亦唔知墨魚滑落咗咩會有店員覺得「唔係酸」嘅酸味！嗰個店員又走過嚟辯護，話因為我哋叫木瓜湯底，所以墨魚滑有咁嘅味。。。 我哋經常出街打邊爐，料新唔新鮮食落口就知啦！同一個湯底食蝦丸、餃、肉等等嘅食物都冇酸味，淨飲兩啖湯都唔覺得酸。但店員連一碟墨魚滑酸咗都唔認，仲要同我哋拗！！其實簡單d取消咗碟有問題嘅墨魚滑，我哋都唔會太介意，但錯就要認，不要當顧客是傻的！！！