士林棧 (已結業)

今日同朋友喺旺角附近搵嘢食，行到去大角咀附近，見到有間台灣嘢都幾多人，於是入去試下。 見到餐廳宣傳緊士林孖寶，梅貴豬扒飯同皇柚雞扒飯，上邊寫梅貴豬扒係豬肉中的和牛，於是我點咗梅貴豬扒同皇柚雞扒飯，另外再加糖心蛋同鹵水雞翼。 過咗一陣梅貴豬扒飯送上，豬扒係切片送上另外喺個碟度。另外個飯係菜飯上面有啲肉燥，個豬扒肉質鮮嫩幼滑，而且用咗佢啲香料，有少少醒胃嘅感覺。 之後皇柚雞扒飯都送上。雞扒好大塊，切件另外係碟度送上，柚子味好清甜好開胃，而且雞肉都好鮮嫩，呢個配搭新鮮有驚喜。 最後送上溏心蛋同鹵水雞中翼，溏心蛋有兩隻分開做4舊，咬開溏心蛋入面啲蛋黃同蛋白都會流出來。而鹵水雞中翼有四隻，雞翼入味，雞肉鮮嫩。