影片
更多
2019-04-24
232 瀏覽
早幾日呀叔我係有好多復仇者宣傳品的寶石戲院睇完戲，打算食d野，行下行下就見到呢間冰室。咁小弟平時都係食開茶記，但發覺紅磡黃埔的茶記開始做唔住，反而呢種「冰室」就企得好硬，日日都坐滿人。新派冰室通常環境都企理過茶記好多，呢間都唔例外，估唔到仲有好多復仇者聯盟既野，無論係雷神個槌，定係米國隊長個盾，呢間冰室都有，我可以合理推斷呢間冰室唔係咁簡單，我開始懷疑個老細唔止係avengers fans，佢好大機會係Nick Fury。不過點講都好，話知你間野幾靚，餐廳最緊要係好吃！咁睇一睇menu，一般茶記有的野呢間都有，有美式鐵版唔洗講，大大隻米國隊長係度，但估唔到仲有韓國泡菜飯，我估係黑豹當年去完韓國之後教呢度的廚師整的。結果我叫左個咖哩海鮮飯，咖哩係港式個種少少辣而味道唔會好濃，都幾好吃。除左成隻匙羹咁大的青口，仲有魷魚同蝦咁，比較可惜既係蝦都係犯了平時煮蝦會犯的毛病：為左要彈牙爽口而冇左蝦味，但要做到彈牙同有蝦味係好advanced既技術，有機會我可以分享下，此處就先不提。叫多碟芝士焗西蘭花，呢碟上菜比較耐但都理解，西蘭花唔會話好硬，配上芝士絲絲入扣。飲檸水／檸茶最緊要係4片檸檬，大家記住
打算食d野，行下行下就見到呢間冰室。
咁小弟平時都係食開茶記，但發覺紅磡黃埔的茶記開始做唔住，反而呢種「冰室」就企得好硬，日日都坐滿人。
新派冰室通常環境都企理過茶記好多，呢間都唔例外，估唔到仲有好多復仇者聯盟既野，
無論係雷神個槌，定係米國隊長個盾，呢間冰室都有，
我可以合理推斷呢間冰室
唔係咁簡單，我開始懷疑個老細唔止係avengers fans，佢好大機會係Nick Fury。
不過點講都好，話知你間野幾靚，餐廳最緊要係好吃！
咁睇一睇menu，
一般茶記有的野呢間都有，有美式鐵版唔洗講，大大隻米國隊長係度，
但估唔到仲有韓國泡菜飯，我估係黑豹當年去完韓國之後教呢度的廚師整的。
結果我叫左個咖哩海鮮飯，咖哩係港式個種少少辣而味道唔會好濃，都幾好吃。
除左成隻匙羹咁大的青口，仲有魷魚同蝦咁，比較可惜既係蝦都係犯了平時煮蝦會犯的毛病：
為左要彈牙爽口而冇左蝦味，但要做到彈牙同有蝦味係好advanced既技術，有機會我可以分享下，此處就先不提。
叫多碟芝士焗西蘭花，呢碟上菜比較耐但都理解，西蘭花唔會話好硬，配上芝士絲絲入扣。
飲檸水／檸茶最緊要係4片檸檬，大家記住啦。講真如果我係冰室老細，我諗都唔諗就同寶石做下合作，例如憑戲飛可以食野平5蚊個d，
寶石戲院同龍門冰室咁近，實大把人肯幫襯。（我大學個陣marketing係拎a）
張貼
