Dear Lilly (已結業)

呢間Dear Lily係我個人非常鍾意既餐廳，值得再嚟🍹今次係幫朋友慶祝生日，所以揾咗間cp值幾高既打卡餐廳同朋友chill吓、影吓相📸😍不得不提嘅係呢間餐廳嘅裝修非常用心✨餐廳酒吧好多地方都佈滿咗花，例如係天花板佈滿咗海量嘅花束。擺設都非常精緻整個環境氛圍都好優雅舒服。而今次同朋友叫咗個high tea set 同埋一個小食😛個人認為high tea set係性價比高、食物方面味道中上，而且份量足夠😋只係$298，而且包埋飲品首先底層有四款唔同嘅三文治🥪四種口味都好特別。個人認為青瓜同煙三文魚嘅三文治最好味。而黃色嗰個味道好特別，好似有種咖喱味咁🤪甜品都算幾多唔同嘅選擇。朱古力入邊全部都係流心，非常非常甜。個人認為scone同 raspberry tart係最好味，甜而不膩😍而且口感好豐富。飲品方面我同朋友都叫咗Latte ☕️唔落糖嘅話有啲苦，味道都幾濃😋仲叫咗一個小食-煙三文魚奶油芝士薄餅，薄餅口感咬落去軟林林，有奶油同香草配搭口咁都唔錯。整體而言，餐廳食物質素唔錯，環境裝修優雅，而且氣氛舒服。同朋友坐一個下午傾吓計都好寫意