飼說 (已結業)

一入到餐廳，就知道老闆為餐廳嘅佈置花咗唔少心思，周圍有唔少特別嘅裝飾物。今次安排嘅座位係一個面對窗口嘅角落位，但窗口前面擺咗啲畫同海報，所以都唔會好曬。白色嘅階磚同古老嘅打字機好襯，有一種復古嘅感覺。午市套餐仲包含咗沙律、餐包同餐飲。餐包係香草麵包，香草味濃，偏乾身。沙律就冇用到傳統嘅沙律醬，用咗柚子汁，感覺幾清新。主菜就係鮮茄大蝦龍蝦汁意粉，意粉靭度適中，有好濃郁嘅蕃茄味，而大蝦數量都幾多，尚算新鮮彈牙。