影片
更多
2022-02-09
1889 瀏覽
📍 𝐌𝐮𝐬𝐞 𝐅𝐮𝐫𝐧𝐢𝐭𝐮𝐫𝐞 𝐋𝐚𝐛呢間餐廳係我bookmark左好耐，因為呢間係一間網紅嘅打卡餐廳，佢原先係一間復古傢俬舖，有賣開一啲舊傢俬。我上網睇過呢度嘅環境都係黑白宮廷復古風🖤啱晒鍾意黑色嘅我😆⚠️提示1️⃣:依家疫情嚴重嘅關係，所以餐廳實施左人流管制，每段時間唔會有太多booking，所以大家記得預早whatsapp/上網預約時間啦‼️⚠️提示2️⃣:佢哋嘅地理位置比較偏僻，但係地方都幾大如果大家都想黎嘅話可以搭車到達錦上路站後可轉乘巴士64k/251A 張屋村站落車步行1分鐘較為方便🚌亦可自行揸車前往❤️⚠️提示3️⃣: 餐廳用餐時限為1.5小時，食完之後可以去佢地嘅大草地同旁邊小屋🛖打下卡📸大家如果想睇打卡片可以留意下個post😍⚠️提示4️⃣:餐廳有室外同室外位置，坐室外可以更有田園feel，不過超多蚊🦟，但係唔使驚❣️因為餐廳已經貼身為你準備好蚊怕水🤠⚠️提示5️⃣: 只接受「現金」或「轉數快」付款💸🔸墨西哥辣椒墨魚鬚蜆意大利粉 $148超級超級超級推介大家叫呢個意粉🍝，我上網見到好多OpenRice都係推介大家叫黑松露意粉，我見黑松露意粉平時都有得食所以今日就冇嗌到，就選擇左呢個辣椒墨魚鬚意粉🦑真
呢間餐廳係我bookmark左好耐，因為呢間係一間網紅嘅打卡餐廳，佢原先係一間復古傢俬舖，有賣開一啲舊傢俬。我上網睇過呢度嘅環境都係黑白宮廷復古風🖤啱晒鍾意黑色嘅我😆
⚠️提示1️⃣:依家疫情嚴重嘅關係，所以餐廳實施左人流管制，每段時間唔會有太多booking，所以大家記得預早whatsapp/上網預約時間啦‼️
⚠️提示2️⃣:佢哋嘅地理位置比較偏僻，但係地方都幾大如果大家都想黎嘅話可以搭車到達錦上路站後可轉乘巴士64k/251A 張屋村站落車步行1分鐘較為方便🚌亦可自行揸車前往❤️
⚠️提示3️⃣: 餐廳用餐時限為1.5小時，食完之後可以去佢地嘅大草地同旁邊小屋🛖打下卡📸大家如果想睇打卡片可以留意下個post😍
⚠️提示4️⃣:餐廳有室外同室外位置，坐室外可以更有田園feel，不過超多蚊🦟，但係唔使驚❣️因為餐廳已經貼身為你準備好蚊怕水🤠
⚠️提示5️⃣: 只接受「現金」或「轉數快」付款💸
🔸墨西哥辣椒墨魚鬚蜆意大利粉 $148
墨西哥辣椒墨魚鬚蜆意大利粉
$148
31 瀏覽
0 讚好
0 留言
墨西哥辣椒墨魚鬚蜆意大利粉
$148
18 瀏覽
0 讚好
0 留言
超級超級超級推介大家叫呢個意粉🍝，我上網見到好多OpenRice都係推介大家叫黑松露意粉，我見黑松露意粉平時都有得食所以今日就冇嗌到，就選擇左呢個辣椒墨魚鬚意粉🦑真係冇令我失望‼️超驚喜🥳首先個汁真係very good！墨西哥辣椒蕃茄醬汁中加埋炸蒜去煮，令味道更突出🤤仲有三色椒作為配菜一齊煮紅黃綠椒嘅鮮甜味同成個意粉醬汁融為一體。係呢個意粉食到甜酸辣，真係比我預期中覺得惹味😋仲有墨魚鬚每一條都少少巨型，有咬口但唔韌😚仍然留有鮮味🤩蜆肉都幾大隻😌仲要冇沙🤫單單係呢一個已經想俾五粒星👍🏻👍🏻份量好多yumyumyum😍
🔸煙三文魚奶油芝士法式可麗餅 $148
可麗餅上面鋪滿左椰菜絲、生菜、芝士，面頭鋪咗煙三文魚、小洋蔥仔、同埋一個半熟太陽流心蛋🌞一切開，蛋黃就流到可麗餅中間，滿滿嘅蛋汁🍳太幸福了😍2個人食都唔膩👍🏻如果有沙律醬更好😋
🔸黑松露薯條 $98
薯條剛剛炸起再放入三角筒內，打卡都幾特別😌上面有少少粉，但係唔係好食得出係咩味🤔佢配埋黑松露醬同埋茄汁，份量都幾多😆作為小食都幾正😻我哋每一條都點左超級多嘅黑松露醬，絕對唔夠喉呀🙊
🔸荔枝綠茶冰 $68
呢杯就啱晒唔鍾意甜嘅朋友仔，荔枝味好香，上面有一堆泡泡，仲有啲紫色嘅小花，打卡好靚🤩綠茶可以消滯😋
🔸荔枝蒟蒻梳打 $68
我鍾意飲超級甜嘅嘢，不過呢個就唔算話好甜，初頭我覺得唔係咁好味，但係飲到落底竟然有驚喜🤤個底都幾甜😆蒟蒻好似啫喱咁滑捋捋🤫超正正👍🏻
評分時間❣️ (最多五顆星，如不推薦會打交叉）
食物質素⭐️⭐️⭐️⭐️
環境⭐️⭐️⭐️⭐️⭐️
服務質素⭐️⭐️⭐️⭐️
價錢💸:埋單$583
餐廳資料📋: Muse Furniture Lab
🕌地址: 元朗錦上路26C號地鋪
想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie
如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
張貼
