味の源 鮮榨果汁 (已結業)

其實今次係第二次去幫襯啦！第一次係因為有人介紹，就去試咗個百香果蘋果汁。之後就覺得念念不忘，一路提自己如果再經過要去飲多次。今日約人喺太子食飯，早咗好多到太子，天氣又熱我又行到口乾，心諗要即刻去飲番杯啦！今次試咗同樣係百香果系列但係加橙汁，咁熱嘅天氣飲果汁感覺上真係清涼又比較健康。佢有唔同配搭揀，除咗百香果系列都仲有其他系列，任君選擇。由睇住佢切生果、榨汁、入杯，等嘅時間都唔算太耐。其實喺鬧市有間咁嘅果汁店真係好難得，希望大家都幫襯多啲支持呢啲小店啦！*不過惟一唔好處係，每次幫襯用一個膠杯都覺得自己浪費咗🥺