椰子日記 (已結業)

之前上網有一次偶然見到有人推介呢間甜品店，由於本身已經好鐘意食椰子類嘅甜品，再加埋賣相非常吸引，當時就決定一定要去呢間舖頭幫襯下☺️今日我大約夜晚八點半嚟到，原本想試嘅巴西莓碗已經賣哂😟詢問之下，好多款式都同樣賣哂🥺最後，我哋就試咗芒果西米椰凍🥭椰凍上面舖滿咗西米露😍西米露上面有啲芒果粒，而芒果粒上面就灑咗一啲椰絲🤤芒果好甜，而椰凍非常好味，夠冰涼，有滿滿嘅椰子香味🤩椰子愛好者必試！！唯一美中不足嘅地方係雪得太凍嘅關係，令到我哋根本無辦法去拔啲椰子肉出嚟😐同埋要留意翻呢到得兩個座位，嚟到嘅話好有可能都係要企係到捧住食🙈客人都可以選擇外賣拎走~我見到個包裝都好靚，會將成個椰子放落一個類似水晶球嘅盒入面😚