越一越南牛肉粉專門店 (已結業)

天氣開始熱，好想食凍檬，所以今晚來到屋企附近的越一。餐廳光猛乾淨，坐得闊落舒適。餐牌有好多選擇，價錢亦很經濟實惠。我要了廚師推介的順化香茅豬扒凍檬，份量大大碗，香茅豬扒炸得香脆肉鬆，配上凍檬必有的配料青瓜絲，酸酸的蘿蔔絲，炸乾葱及花生碎等，再倒入凍檬得靈魂-魚露，酸酸甜甜再加上魚露的咸鮮味，夏天食最岩。頭頓三寶金邊粉，三寶是扎肉，豬扒同雞翼，岩晒食肉獸及貪心的人。湯底好有牛香味，味道濃郁，提意加少少青檸汁同辣椒，更好味。再點多了一個春卷作小食，用上生菜包著，再點魚露一齊食，減低邪惡感外，又更添美味。天氣熱，叫多杯凍飲就更爽。欣賞薏米水有勁多的薏米，又唔太甜。