銓滿記餐廳小廚 (已結業)

夏天流流，熱辣辣好難有胃口，但係自己就有鋪癮鐘意食煲仔飯d焦。所以自己一丁友晚飯個陣去番樓下食開間銓滿記。一如以往，一個煲仔飯連湯野飲加菜$70蚊有找，除非你叫有黑松露既個種，否則就貴d。叫左自己鐘意既肉餅再加$6有隻窩蛋，冷氣夠勁，唔洗話夏天食熱野咁辛苦。老闆即叫即煲，夠晒火辣辣，依家可能少人啦，上菜算快，但未夠前火候，因為飯焦唔夠多，只得小小痴住個煲。如果可以多D脆扑扑既飯焦就好!個肉餅好足料，而且又唔會好實好硬，同隻滑蛋溝埋真係好正! 碟油菜就正正常常，係厭豉油唔夠多，小小淡。水準依然保持一貫既程度，留待冬天再試真點。