GRAM • The Gourmet

營業中

休息中

放假日打算去大館睇展覽，去到中環都係十二點左右，就打算搵個地方食個bruch先～～個日本身唔係好肚餓，不過行到有啲熱，唔想食中式／日式粉麵類嘅野，所以首選都係西餐。行到入Gram坐低左就發現原來係食fushion菜嘅，一場黎到不如就等店員推介signature dish啦。真心要讚一讚店員非常細心，見我行到身水身汗就立即斟左杯凍水俾我，知我想食冷盤，就推介左一款凍天使麵。呢款天使麵上面仲好重手咁，加左份量唔少嘅魚子醬，同埋有啲蔥花伴碟，店員話係因為融入左日式製法。入口感覺好清新，天使麵既吸收左昆布汁嘅鮮甜，又保留到彈牙嘅麵質，加埋脆卜卜嘅魚子醬，令成道菜天加鮮味，真係好適合夏天食。食完咁清新嘅主菜，仲想試多個一樣咁清新嘅甜品，所以就order左lemon tart。雖然佢嘅賣相較為平實，不過食落又有驚喜！佢面頭有一層薄薄既焦糖，仲有一絲絲用糖煮過既檸檬絲，但中間層嘅內餡就好輕盈，加埋充滿牛油香嘅餅皮，非常有令人滿足嘅感覺～～推介！