沐白小農 (已結業)

夏日炎炎 行街行到熱辣辣 最好就係飲返杯台式飲品今日同屋企人喺元朗行街 離遠已經被沐白小農靚靚的招牌吸引左 決定一人買返杯飲品解解渴去到見到五顏六色既飲品menu 好多選擇好難揀 最後我決定試下新出既莓莓果茶 媽媽就揀左最解渴既金桔檸檬 細妹就要沐白小農招牌大甲芋頭小芋圓鮮奶冰凍既飲品到手 飲品加埋店舖色彩繽紛既坐位 係夏天的感覺呀我杯莓莓果茶好清甜 飲到鮮榨士多啤梨既味道 加上果茶淡淡既茶香 好解渴 飲到尾仲食到啖啖士多啤梨果肉而芋圓芋泥鮮奶 我都試左幾啖 芋圓口感十足 作為煙韌控的我表示好滿足而且芋泥好香 打得好滑 同牛奶撈埋一齊 完全唔會有一粒粒嘅口感 不過飲品分量十足 建議唔好食飽嘅時候飲最後當然有經典台式飲品金橘檸檬裏面仲有一粒話梅 令飲品唔會太酸 生津解渴原本想叫半甜 但店員話飲品係用鮮榨檸檬汁 半甜可能會太酸 最後叫咗少甜 味道啱啱好