啊一檸檬茶 (豉油街)

營業中

休息中

夏日炎炎，去開旺角一定要黎呢間檸檬茶飲店，真係無得輸！今日喺旺角見到一間鋪頭有賣西瓜飲品，被吸引左，決定試下。每杯會送咗隻可愛嘅小鱷魚，打卡超啱！佢送左2隻粉紅色小鱷魚俾我同我朋友 😍 反晒白眼咁，好可愛呀 ，可以拎番屋企，佢仲有唔同款式。朋友叫咗蜜桃手打檸檬茶，我試咗一口，好清新。水蜜桃嘅甜味配上新鮮鴨屎香檸檬味，口感層次豐富，想飲多幾啖🤣我叫嘅手打西瓜椰椰飲品，西瓜汁同椰汁嘅組合真係驚喜。西瓜嘅甜同椰汁嘅細膩味道形成對比，十分解渴同消暑，仲有椰果粒係底 ，有咬口。飲品嘅甜度可以調整，如果唔太鐘意甜，可以試下半糖或三分糖。喺旺角逛街嘅時候，手提住飲品一邊行，特別喺炎熱嘅夏天，真係超正！