尚鮮海鮮料理 (已結業)

同友人係銅鑼灣 shopping 完後，決定黎尚鮮試試。我幾滿意店內裝修，燈光偏暗，環境比較清靜，有種可以同朋友黎傾計一邊慢慢享受火鍋既感覺，同出面既火鍋店快快食完就走既感覺好唔同。入座後我哋就叫左一個二人精選套餐，一杯洛神花蜜，一杯青檸蜜梳打，兩杯都酸酸甜甜，幾醒胃。湯底就選擇左皮蛋芫茜湯底。出面火鍋店既湯底對我來說從來只係得個名，放食物落去煮完都好難食到湯既味道。而呢到個湯用料好足，好濃味! 然後就上手切牛肉啦，脂肪分佈平均，又切得較厚，所以口感一流! 鮮打牛丸及豬肉丸、木耳鮮蝦雲吞拼西洋菜香菇餃每款四粒，分量剛剛好，抵讚既係呢間店自家制作。食落口的確感受到個分別。之後就上脆鯇片同蠔，鯇片爽脆，蠔 size 亦夠大啖啖肉。最後就來個田園盛。食完肉後食返 d 蔬菜，無咁油膩，我幾滿意送餐既次序!本來頭先想追加牛肉的，但食完整個餐覺得分量剛剛好，食物質素比同類餐廳高，整體裝修、食物我都好滿意。下次想食火鍋睇黎呢間係首選了。