越大哥越式小廚

營業中

休息中

鴨脷洲嘅選擇真係唔多，但係其實當中有幾間餐廳嘅質素同巿區銅鑼灣呀果啲餐廳可以媲美。呢排真係熱到無曬胃口，除左泰國菜，越南菜都係一個開胃嘅選擇～今晚諗來諗去就食個香茅豬扒飯啦～平時食開佢嘅越南河，原來飯係唔同，喜歡佢個飯會配一隻煎太陽蛋☺️送飯一流。同埋感覺上有營養均衡啲。香茅豬扒煎得香口，外面香脆肉質juicy ，滿滿香茅嘅味道。又唔會太濃太過熱氣。豬扒痴住係小小骨，唔會大大條骨所以比較多肉，再點點跟餐嘅魚露酸辣汁，即時超開胃。