但馬屋 (創紀之城五期(apm))

營業中

休息中

Lunch Time 邊爐癮起，走咗去但馬屋打邊爐🍲😝揀咗北海道夢之大地豚套餐放題，除咗豬，當然仲有澳洲產長期穀飼牛啦。見到有夏祭蕃茄壽喜燒鍋🍅，叫咗嚟試吓。壽喜燒鍋蕃茄味非常香濃。店員首先幫我哋加湯再將一啲肉放入鍋中，入面仲有好多其他嘅配料。呢一隻北海道夢之大地豚肉估唔到咁好食😋大大塊肥瘦適中，又唔會太肥，但係肉質腍身，豬味又香。呢一隻豬肉比起穀飼牛仲好食！ 牛味道都唔錯，肉質瘦而不柴，牛味唔錯👍🏻放題用QR code落單。另外自助區有多款蔬菜、丸、麵等等火鍋配料，仲有飲品任飲！呢度甜品好吸引，係Häagen-Dazs雪糕任食。食完之後埋單可以參加拉繩抽獎遊戲 ，好有日式感覺，贏到小禮物幾得意。