阿詩瑪壹菌 (已結業)

二人餐外賣抗疫價$230，價錢幾吸引，所以就試吓。二人餐包兩個餸，我哋叫咗酸菜魚片，香醬茄子魚塊，有兩碗燉雞湯，兩碗白飯，但係我哋加咗$30轉過橋米線，以及兩個玫瑰乜乜糕嘅甜品。值得讚嘅地方係個燉湯非常好飲，非常足料，過橋米線嘅湯係分開裝，二人餐份量足夠三個人食。要彈嘅地方係過橋米線一打開，入邊有條毛夾雜左係啲米線度，因為米線係白色，所以佢好似漆黑中嘅螢火蟲咁出眾。味道方面，樣樣嘢都不過不失，唔算特別出眾，咁嘅價錢我自己比較鍾意君頣個抗疫晚餐。