Masala Train (已結業)

今日工作超忙，根本無機會好好坐底岀去食飯。諗住落樓下求其買個外賣返去，平時食開叉雞飯盒嘅我忽然經過間唔起眼嘅印度外賣餐廳喎。叫唔係好貴，就大膽試下啦就！點都要食返啲飯先會夠飽嘅。咖喱雞 Curry chicken ($58) 好彩唔係好辣，因為本人都唔係好食得辣。印度咖喱質地都幾稀，同日式咖喱完全唔同。撈飯又幾惹味嘅。印度米偏長身同硬，咬落去好有口感。芒果奶昔 Mango lassi ($25) 都幾正。以前食印度嘢都嗌過，但係超甜唔係咁啱胃口。呢度即叫即做，同埋無咁甜，好飲好多。再嗌咗個 Masala chai ($12) 下午茶時飲。味道其實有啲似港色奶茶，但係有好重嘅肉桂味，好香同唔算太甜。