吉豚屋吉列豬扒專門店 (已結業)

原本見幾多人寫好評，就諗住試下。買左外賣，滑蛋豬排飯便當（梅）餐，有跟野菜豚肉湯同一杯特飲，我揀左椰果荔枝茶。成個外賣$59滑蛋豬排飯：鹹，好鹹，真係好鹹！豬排好軟身，一切就開，但完全冇吉列豬排應有嘅脆。最重點係佢個飯鹹到你唔會覺得個豬排好食。唔想浪費食物，只能夠格硬食野菜豚肉湯：都係鹹，但冇個飯咁鹹，所以有比較之下算係好飲。不過佢餐附送嘅匙羹係匙羹+叉嘅設計，所以完全用唔到來飲湯。椰果荔枝茶：太甜。我平時買奶茶飲都唔會半甜，所以本身都係飲開比較甜嘅嘢飲。但呢杯甜得有D過份。總結來講我覺得外賣有D中伏。或者堂食會好D，但今日呢餐吸引唔到我再去試。