泰屋 (東成里) (已結業)

太夜放工所以趕唔切去泰屋食，親戚有心地打包左每道菜給我，擺得好靚添。咖喱羊肉煲其實幾好味，咖喱重香料味，羊肉唔騷，略辣，食到底係紅色辣油囉，食完好口渴。炸春卷同甜包（？），春卷已經淋哂，不予置評。我都唔知呢舊甜麵包其實係咩黎，入面有啲粟米紅蘿蔔粒咁，甜同硬，個感覺有啲似食緊牛脷酥。串燒豬肉，勁硬勁乾，好似食緊豬肉乾……薄餅普普通通，唔油略硬，由於咖喱太辣，點左串燒嘅沙嗲醬食，個沙嗲醬好好味，基本上同沙嗲王個味勁似。泰式炒飯，有提子乾，魷魚，花生，菠蘿粒等，甜嘅炒飯我唔buy，而且個飯好漏，食兩啖已經唔想食。可能現場食會好味啲掛，不過唔就腳同價錢嘅關係，我無下次囉。