金鶴拉麵 (和富道) (已結業)

今日食外賣金鶴拉麵，餐廳位於北角和富道， 餐廳面積唔算好大， 不過叫外賣就無所謂啦。今日叫左4款食物， 分別係黑蒜醬油湯拉麵，厚切日本雞胸肉飯，醬漬日本塘心蛋， 咖哩炸雞飯。因為去到餐廳先叫外賣，店員好有禮貌叫我坐低等， 重比埋杯茶我，等我唔使喺門口曬住等， 服務好，黑蒜醬油湯拉麵，醬油湯有清香感覺，麵底彈牙爽， 返到公司食都唔會林哂，好味厚切日本雞胸肉飯，以為雞胸d肉會好實好硬， 但呢個雞胸滑到不得了，好似雞肶肉咁，個日本米飯煙韌，飯味香濃。醬漬日本塘心蛋， 塘心到不得了，d蛋汁重流緊出黎， 蛋味可口。咖哩炸雞飯，炸雞又多又大件，咖哩汁香甜帶辣，送飯一流，炸雞外脆內軟，有肉汁，值得推薦。