牛角次男坊 (荃灣廣場)

營業中

休息中

而家基本上，買外賣仲抵過自己煮。夜晚晚餐諗唔到食乜嘢。於是乎就叫外賣啦，咁岩行過荃灣。又好想食燒肉喎，於是乎就喺牛角次男方叫外賣啦。朋友叫咗牛舌，而我就試下啲雞。佢而家外賣做緊特價。本來70幾蚊嘅，依家50幾蚊就有啦。返到屋企做咗一輪家務。先開始食個飯。雖然個飯凍咗。但係個飯分量唔算細，而且飯嘅醬汁好好食。啲雞亦都唔會話太老。而且份量亦相當之多，我從來冇諗過啲雞係多到我會食唔晒。整體來講我覺得係好食嘅。既然仲做緊特價，大家可以一試無妨。