西關老祖 (文苑樓)

營業中

休息中

經過佐敦特登嚟睇吓呢度呢間外賣店！食飯時間見到都有唔少人排隊，門面簡單整潔，採用自動下單，落單之後等一陣就可以了。最近仲做緊折扣，最平$25就已經可以食飽飽。我就叫咗佢哋招牌瀨粉，配埋黑毛豬油渣，叫咗唔辣嘅菜浦。味道比較清淡但係越食越香口，有少少似食緊粥。佢哋嘅瀨粉係自家製，咬落特別有口感，粒粒分明，同平時唔一樣，麵粉嘅感覺更加多。菜浦都好好食～另外仲有黯然銷魂飯，黑毛叉燒加上兩隻蛋嘅組合真係無敵，半肥瘦嘅叉燒層次分明，啖啖都係油香，而且份量好多，兩個人分享都足夠，一人食咗一隻蛋再加幾舊叉燒！另外仲叫咗燒賣，豆漿亦都好好飲，佢標榜係微糖但係飲落都仲有少少甜🤣🤣如果經過呢頭不妨買個外賣返屋企試吓啦！