鼎爺私房菜 (已結業)

冬至就快到喇，又係同家人一齊開心聚會餐嘅時候。除咗出街食飯，好多家庭都會選擇自己煮或者叫外賣到會。其實我覺得外賣盤菜都係一個好好嘅選擇，一鍋裡面有好多款菜式，一家人圍埋一齊食就最開心。「新春手工盤菜」裡面全部都係鼎爺出品嘅高質菜式。比較特別嘅有花膠釀雲吞、龍穿鳳凰翼、潮汕海蝦棗及肉蓉釀海參。其他菜式例如原隻鮮鮑魚、阿爺靚豬腩、茄汁大虎蝦等都好吸引呢。成個盤菜總共有18款菜式咁多㗎。▫️花膠釀雲吞 - 把雲吞餡（豬肉、蝦同埋蔬菜)放入花膠上面然後再用韭菜花包紮好先拎去蒸。最考功夫嘅應該係要將花膠及雲吞餡料紮好，令到花膠唔散開。 當盤菜翻熱嘅時候可以按個人口感而決定幾時食花膠。想口感腍啲同埋味道濃厚嘅話就要滾耐啲先食喇。▫️潮汕海蝦棗 - 製法係採用半煎炸方式，就算將盤菜翻熱，裡面嘅蝦棗唔會因為吸入上湯汁而變得油膩，滑溜感依然保持住呢。▫️肉蓉釀海參 - 呢個手工菜係將墨魚滑加入蔬菜及香料打成膠後再釀入海參。海參夠晒爽口味道又有層次感。咁多款菜式真係講唔晒，以上嘅係我特別鍾意食嘅菜式咋。💰價錢：團圓價$2888/原價$3288（六位用）雖然定價係比起其他地方高咗啲，不過呢個盤菜用上矜貴食材同埋非