To-Gather Cafe (已結業)

今日難得幾位夾得埋嘅同事都一齊返工，到晚飯時間唔想再留喺canteen食頹飯所以就一齊夾份叫外賣,其中一位同事想食意粉所以在芸芸食肆中就揀了依家<To-Gather>。食完之後上Openrice睇返才發覺原來外賣的價錢比堂食便宜一點。我地叫咗三個套餐一齊share,每個餐都會附送一碗餐湯。粟米湯，<地們>味比較重但過咸，而且粟米唔飽滿，全部都好扁身冇乜肉。講咗好食嘅晚餐先，黑松露海鮮意大利飯。打開嘅時候好香黑松露味，而且海鮮都擺得非常之靚。飯嘅質地恰到好處，不會過硬或者糊掉。海鮮當然冇可能系新鮮，有青口，魷魚圈同蝦，沒有雪味而且口感尚算清爽，應該不是說咗很耐的貨色。但青口過鹹！冬陰功忌廉汁海蝦意粉。有香茅，燈籠椒，菇同蝦。冬陰功味幾突出，加咗忌廉後都幾creamy， 但同樣過鹹！鹹中之鹹是這個！泰式青咖哩雞肉飯。首先汁料比較杰身本來用嚟送飯都系幾好嘅，但味道真系好鹹！綜合三個餐嘅評語祇有兩個字，好鹹。