元気寿司 (新都會廣場)

營業中

休息中

今日娘家提早幫老公慶祝生日，懶得煮，所以決定叫外賣，叫咗特選壽司盛C同卷物壽司盛。一直對元氣嘅外賣壽司都好有信心，以往嘅經驗都好正面，葵芳哩間堂食有食過，外賣就第一次，希望唔會令我失望。今次嘅卷物壽司比魚生壽司出色，我媽咪對個天婦羅蝦🍤卷讚口不絕。我自己就好鍾意個甜蛋🥚壽司，甜蛋大大件，食嘅時候令人好滿足。三文魚卷都唔錯，中間包有青瓜🥒同炸三文魚骨 (？)，口感好豐富。魚生壽司就真係有點令人失望，感覺啲魚生唔係太新鮮，特別係個赤海蝦同三文魚，薄身之如肉仲爛爛的，肉質都有少少霉。帶子就有少少腥味，唔太鮮甜。甜蝦就正常少少，至少蝦肉完整，無霉無爛。今次整體感覺不過不失。