影片
更多
2022-02-05
19 瀏覽
2022年1月24日 星期一最近政府又收緊防疫規例，禁止晚市堂食，所以今日放工唯有買外賣返屋企見到灣仔呢一間餐廳新開張無耐，之前經過都未試過，於是今日就諗住買外賣返去同老婆一齊食餐廳主打係飯卷，有好多款唔同既組合同配料，價錢都幾經濟，仲可以加錢升級做唔同嘅套餐添於是我要咗兩個套餐，加埋都係二百幾蚊，已經有齊沙律、飯卷同飲品等咗大約15分鐘左右食物已經全部整好，仲擺得好精緻，當然要即時影相打卡再打包返屋企慢慢食，每款食物都用紙盒或者膠盒裝好，夠晒方便衛生首先嘗試呢一個先生巨無霸，裡面有炸蝦、鰻魚、蟹棒、青瓜等等，每一啖食落去都感覺到有好多材料，感覺好滿足，一個人相信完全食唔晒，炸蝦好鬆脆，而青瓜又化解左油膩感，再配合埋芝士，全部都好夾另一款飯卷叫魚全部都係魚，其實主要有吞拿魚拖羅、吞拿魚赤身、三文魚同蟹子，配料仲多過飯，拖羅多到夾唔晒，超級抵食！！而且好新鮮，食唔到有雪藏味，蟹子又脆卜卜原本諗住沙律只係附加既，應該好頹，但見到份量都有成大碗，而且生菜幾爽口，加埋粟米同醬汁一齊食更加開胃添最後小食仲有薯條同蕃薯條，兩款都炸得熱辣辣，當中個人較鐘意番薯條，因為一般連鎖快餐店都唔會有得提供，而
最近政府又收緊防疫規例，禁止晚市堂食，所以今日放工唯有買外賣返屋企
見到灣仔呢一間餐廳新開張無耐，之前經過都未試過，於是今日就諗住買外賣返去同老婆一齊食
餐廳主打係飯卷，有好多款唔同既組合同配料，價錢都幾經濟，仲可以加錢升級做唔同嘅套餐添
於是我要咗兩個套餐，加埋都係二百幾蚊，已經有齊沙律、飯卷同飲品
等咗大約15分鐘左右食物已經全部整好，仲擺得好精緻，當然要即時影相打卡再打包返屋企慢慢食，每款食物都用紙盒或者膠盒裝好，夠晒方便衛生
首先嘗試呢一個先生巨無霸，裡面有炸蝦、鰻魚、蟹棒、青瓜等等，每一啖食落去都感覺到有好多材料，感覺好滿足，一個人相信完全食唔晒，炸蝦好鬆脆，而青瓜又化解左油膩感，再配合埋芝士，全部都好夾
另一款飯卷叫魚全部都係魚，其實主要有吞拿魚拖羅、吞拿魚赤身、三文魚同蟹子，配料仲多過飯，拖羅多到夾唔晒，超級抵食！！
而且好新鮮，食唔到有雪藏味，蟹子又脆卜卜
原本諗住沙律只係附加既，應該好頹，但見到份量都有成大碗，而且生菜幾爽口，加埋粟米同醬汁一齊食更加開胃添
最後小食仲有薯條同蕃薯條，兩款都炸得熱辣辣，當中個人較鐘意番薯條，因為一般連鎖快餐店都唔會有得提供，而且番薯味好濃郁，點埋茄汁一齊食更加滋味！！
張貼
