影片
更多
2022-01-19
488 瀏覽
疫情仍然嚴峻，為左穩陣起見，都係盡量減少堂食，買外賣就自然成為首選。 之前有朋友幫襯過荔枝角嘅「町町丼丼」，大讚店舖嘅丼飯價錢平、份量足，款式又夠多。原來觀塘都有分店，地點更加方便就腳，今日 lunch 就一於過去買嚟試下。丼飯嘅花款都幾多，有 4 個唔同嘅系列，另外仲有超過 10 款日式小食可供選擇，外賣自取有 65 折，非常抵食！點左個汁燒鰻魚丼 ($78)、壽喜燒牛肉飯 ($78) 同 兩款小食。鰻魚飯好有睇頭，鰻魚大大塊，肥美肉厚，入口帶點焦香。面頭嘅鰻魚汁調味亦恰好，稠身惹味，但又無蓋過魚香，用嚟拌飯吃一流。墊底嘅米飯亦有水準，圓渾有咬口，食落有飯香。至於盒壽喜燒牛肉飯，用料亦唔手軟，牛肉份量十足，肉質軟嫩又唔會過肥。湯底甜甜地，好易入口，用嚟撈飯食真係唔錯，帶醬油甜香。配料仲有鳴門卷、油揚同昆布，以呢個價錢嚟講，絕對係交足功課。小食點左七味唐揚池魚 ($48) 同 日式炸餃子 ($32)，池魚熱辣辣、香噴噴，雖然已經擺左一陣先至食，但咬下仍然很脆口，連骨都可以食埋， 加上面頭沾滿了七味粉，好惹味，最啱就係用嚟送酒！餃子亦有水準，炸至金黃焦香，而且隻隻都餡料十足，飽滿又好
之前有朋友幫襯過荔枝角嘅「町町丼丼」，大讚店舖嘅丼飯價錢平、份量足，款式又夠多。原來觀塘都有分店，地點更加方便就腳，今日 lunch 就一於過去買嚟試下。
丼飯嘅花款都幾多，有 4 個唔同嘅系列，另外仲有超過 10 款日式小食可供選擇，外賣自取有 65 折，非常抵食！
點左個汁燒鰻魚丼 ($78)、壽喜燒牛肉飯 ($78) 同 兩款小食。
鰻魚飯好有睇頭，鰻魚大大塊，肥美肉厚，入口帶點焦香。面頭嘅鰻魚汁調味亦恰好，稠身惹味，但又無蓋過魚香，用嚟拌飯吃一流。墊底嘅米飯亦有水準，圓渾有咬口，食落有飯香。
至於盒壽喜燒牛肉飯，用料亦唔手軟，牛肉份量十足，肉質軟嫩又唔會過肥。湯底甜甜地，好易入口，用嚟撈飯食真係唔錯，帶醬油甜香。配料仲有鳴門卷、油揚同昆布，以呢個價錢嚟講，絕對係交足功課。
小食點左七味唐揚池魚 ($48) 同 日式炸餃子 ($32)，池魚熱辣辣、香噴噴，雖然已經擺左一陣先至食，但咬下仍然很脆口，連骨都可以食埋， 加上面頭沾滿了七味粉，好惹味，最啱就係用嚟送酒！
餃子亦有水準，炸至金黃焦香，而且隻隻都餡料十足，飽滿又好吃。
張貼
