小魚兒 (富麗花園) (已結業)

朋友聚會好多時會外賣上屋企食，想慢慢吹水傾偈，叫呢間外賣就最啱啦。地址喺慧安園入邊。外賣叫咗：❤️雞煲一隻 因為有朋友唔食得辣，所以叫咗小麻小辣，好輕微的辣度，下次可以試中麻中辣。❤️四川燒蠔半打燒蠔都唔會燒完太縮水，調味料唔會太重太鹹，味道剛剛好。❤️酸辣土豆絲夠酸夠辣，估唔到呢個反而辣到我。❤️金沙蝦球可能喺外賣盒焗咗好耐，所以個皮已經唔脆，我諗整完即刻食會好味啲。❤️炒蜆好夠味雞煲食完再加水，買啲菜買啲牛肉就變埋打邊爐啦。