Chop Chop 食神叉燒 (新城市廣場) (已結業)

今晚同男朋友黎到沙田，因為夜晚無得堂食，所以我地唯有外賣自取解決晚餐啦。見呢間都幾多人排隊買外賣，一於就食呢間啦。正宗黯然銷魂飯選用肥叉燒，數量都唔少架。有隻蛋係面，拮穿隻蛋，蛋黃流晒出黎撈飯食，正。食神炒飯有叉燒、蝦仁、瑤柱粒、櫻花蝦、蟹籽、青豆同蔥一齊炒，材料豐富，份量十足，炒飯屬於偏濕潤個種。外賣都無減少份量，抵讚。燒味雙拼要燒鵝髀同切雞，兩款都啖啖肉，充滿油香。最後配埋凍奶茶同無糖可樂，飽。