La Rotisserie (廈門街) (已結業)

住灣仔同事介紹！話呢間嘅外國燒雞好正，一定要試，燒雞一向外國比較乾嚡，好味嘅唔多，既然同事推介，又試下，去到好多人等緊攞外賣，黑色櫃裝修好型格，餐廳主調黑底白雞！牆上有介紹係法國A級穀物飼養走地雞！傳單亦有教加熱方法！除了雞，仲有幾款肉批！3個店員在大玻璃櫃後好忙咁包外賣，餐牌全英文，店員都係英文人，見到櫃後有個透明焗爐燒緊雞，玻璃櫃內有幾款配菜，因為肥髀同我食，所以只叫1/4雞加一款配菜，落單後取票等叫號碼，店員密密手包裝，用黑色扁身紙盒，內有間隔可以放配菜！好快就有得攞，再加個黑色紙袋，包裝好細緻！1/4燒雞（$55）：燒雞極香，我買完搭車，整個車廂都係燒雞味，引死人，回家打開金黃色，有啲燶位，雞髀位，雞髀比肥髀霸咗，比埋刀叉方便切，我食身，好嫩滑juicy，油香滿咀，雞皮燒得薄，雖然焗過淋咗少許，都好香滑！唔會好咸，好濃嘅雞味！配菜烤雞汁馬鈴薯（$28）：薯角金黃色，有燶位，煙韌好味，如果快啲食，皮脆肉嫩仲正啲！薯仔味種！正！唔使加一，店員好爽手，有笑容，服務好好！可以八達通比錢方便！