無邊 (大壩街) (已結業)

朋友一直好想試呢間café，知道佢好多人排，就預先Book定位，去到好多人排隊，好彩有book位就等一下就入得。呢到啲侍應都係外國人，點餐果陣就可能要注意下。我地點左德國豬手餐，包濃湯、麵包、一般飲品（$258，要加一），加$98菠菜汁意大利飯配波特菇。我同朋友都點左美式檸檬蜜，一凍一熱，味道正常，個杯都好靚。湯就正正常常，而麵包幾香。德國豬手唔係平時果種炸豬手偏鹹偏脆咁樣，係外皮略甜，肉又軟嫩又juicy，份量比想像中大，點唔點醬都好食。菠菜汁意大利飯配波特菇（+$98，要加一），個飯幾creamy，調味偏向清淡，配豬手食都幾夾。